За чиста и здрава животна средина потпишан Меморандум за соработка.
Денеска, во просториите на ЈКП „Комуналец“ – Прилеп, беше потпишан Меморандум за соработка помеѓу јавното претпријатие, Здружението на граѓани „Мој Прилеп“ и НВО „Станица 5“. Со потпишувањето на Меморандумот се воспоставува партнерство насочено кон унапредување на еколошката свест кај граѓаните, заштита и унапредување на животната средина, како и создавање почиста, поздрава и поубава животна средина за сите граѓани на Прилеп.
Соработката ќе опфаќа реализација на низа активности, а
во рамките на соработката се предвидени:
- организирање јавни еколошки и кампањи за чистење на јавни површини во околината на Прилеп.
- размена на идеи за почиста и зелена општина.
- реализација на едукативни работилници во училиштата и градинките за јавна хигиена, селекција и рециклирање на отпад.
- организирање акции за чистење на напуштени места во градот, со вклучување на граѓани, невладини организации и волонтери.
- посета, обука и доделување на канти за отпад за спроведување на селекција на отпад во населби и населени места каде што е најслаб интересот за правилно третирање и управување со отпадот.
- спроведување јавни информативни кампањи;
- изработка и дистрибуција на едукативни материјали, брошури и дигитални содржини со практични совети за заштита на животната средина.
- организирање еко-настани и денови посветени на животната средина, со активно учество на граѓаните и одредување на локација за чистење.
- поттикнување на волонтерството и граѓанскиот активизам во областа на екологијата.
- реализација на заеднички активности за подигнување на јавната свест за одржливо живеење и одговорен однос кон природатаи местото на живеење.
- Активности за засадување на дрвја во градов и излетничките места.
- Музички, ликовни активности и драмски активности преку кои ќе се испраќа порака ,,Нашиот двор е нашиот град’’.
- Конкурси и сиимболични награди во соработка со општествено одговорни компании кои ќе ги подржуваат активностите кога се одржуваат со мајмладите и млдинци.
Посебен акцент ќе биде ставен на најмладите, бидејќи создавањето еколошки навики од најрана возраст е еден од клучните предуслови за долгорочна промена на односот кон отпадот и животната средина, јавната хигиена и одржливиот еко систем.
Со ова партнерство, ЈКП „Комуналец“ – Прилеп, „Мој Прилеп“ и НВО „Станица 5“, испраќаат заедничка порака дека чистиот Прилеп и населените места е заедничка одговорност, а промените започнуваат само со лична одговорност, односно јаки и посветени јавни претпријатија и институции и активно учество на секој граѓанин.
