Комуналците од денес започнуваат со есенско засадување на цвеќе од сортите темјанушка, хризантема и мини роза. Ќе се разубавува центарот на градот, алеите во паркот на Могилата, кружниот тек кај поранешен Солидност, населбата Димо Наредникот и помали жардењерски делови низ градов.
Посебно внимание ќе се посвети на жардењерите во населбата Димо Наредникот, каде покрај засадувањето на есенско цвеќе, ќе се обновува и тревнатиот дел и ќе се врши естетско обликување на зимзелените и грмушкасти растенија.
Прилеп е, еден од ретките градови каде се води грижа за естетското уредување на градот и зеленилото.
