Комуналците го уредуваат задниот дел од зградите во населбата Бончејца

И покрај огромните обврски кои ги има „Комуналец“ во делот на извршување на Оперативниот план, деновиве се работи и на задниот дел од зградите во населбата Бончејца. Огромни корења од дрвја се корнат кои беа оставени подолги години за одстранување од површините. По ова ќе се изврши и рамнење на терените со цел на граѓаните да им се овозможат подобри услови за живеење. Воедно, се врши и кастрење на дрвјата, а се одстрануваат и дивите израстени подникци од грмушкастите растенија.

По идејно решение од ЈП за ПУП, на парцелите кои се чистат ќе се прават парковски површини со потребна урбана опрема. Од Локалната самоуправа и Комуналец, упатуваат апел до поедини граѓани да ги одстранат скелињата за тутун од терените каде се подготвува подлогата за изградба на парк, за да може оперативниот дел да се извршува непречено.

Можеби ќе ви се допадне